冷氣機修理服務｜唔凍、滴水、出風弱 原因與對策
1. 冷氣不冷？可能唔係雪種問題咁簡單
當冷氣唔凍，唔少人第一時間會諗：「係咪冇雪種？」但事實上，雪種不足只係其中一個原因，更加常見嘅係散熱器積塵太多、室外機風扇轉速慢、摩打老化、室內外信號線故障、甚至控制板出現異常信號。特別係變頻冷氣，當底板出現問題時，也會令冷媒循環唔正常，結果冷風變弱。
好多時候，問題唔係冷氣本身壞咗，而係日常保養同安裝時已經埋下伏線。所以，盲目加雪種可能只係治標不治本，甚至會令壓縮機承受額外壓力，縮短壽命。
2. 冷氣機滴水點解會發生？原因＋解決方法
冷氣機滴水，唔單止煩人，長期會破壞牆身、地板，甚至引起漏電風險。最常見原因包括：
- 排水管堵塞或倒塞
- 接水盤傾斜角度唔夠
- 保溫棉老化滲水
- 安裝時排水口設計錯誤
- 洗完冷氣後，沒有真正通去水
好多客人以為「洗冷氣就搞掂」，但其實真正解決問題，需要拆開檢查整個接水系統與斜度設計。尤其分體機，安裝時水管角度設計好緊要，否則再洗幾多次都會再滴水。
必讀文章:冷氣滴水解決秘技
3. 打風時開冷氣會點？小心燒風扇摩打！
香港打風多，但你知唔知打風期間開冷氣其實係一個大忌？
因為外牆風壓會令室外機風扇受阻，甚至逆轉，咁樣會加重摩打負擔，引致摩打過熱、燒線圈、甚至主板短路。不少維修個案都係因為打風期間無關冷氣造成。
建議：打風時先關冷氣，等風勢穩定先再開返。 如果天氣焗促難頂，建議先開抽氣風扇或風扇，等室內空氣流通，等候安全再使用冷氣。
4. 完全開唔著冷氣？牆身開關制都有可能出事
好多人遇到冷氣完全冇反應，第一時間就以為「部機壞咗」，但事實上，電源供應問題係非常常見原因。特別係：
- 牆身開關制（20A）接觸唔良或老化
- 保險絲燒斷
- 電線鬆脫或插座接觸不良
尤其係舊樓，開關制用咗多年都未換過，就算你換咗新機，電源線路都可能唔夠穩定支持運作。所以每次冷氣無反應，唔好驚先，先檢查電源是否正常，再搵師傅做進一步診斷。
5. 冷氣安裝工藝差＝未來維修多，點樣避開伏位？
裝得唔好，用得唔耐。
冷氣安裝得靚，慳錢又慳煩。但如果安裝工藝差，幾年內就會出現滴水、唔凍、漏雪種等一連串問題。
最常見安裝伏位包括：
- 排水管無斜度／反斜
- 牆洞無封實，入風入水
- 冷媒喉未包實保溫棉，導致「出汗」滴水
- 電源線走火風險未處理好
我哋每個工程都會記錄相片，確保每個接駁位、封口、電線走位都符合行業標準，你可以在我哋網站睇返實例圖片。
6. 點樣分辨冷氣問題係整冷氣定要換機？
唔少人遇到冷氣問題時都會糾結：「維修定換機？」其實可以根據以下準則判斷：
- 機齡10年以上＋出現多重問題 → 建議更換
- 主板燒壞（特別係變頻機） → 維修成本高，可考慮換新機
- 冷媒洩漏經常要加雪種 → 找專業冷氣師傅檢查斷症，如果找不到洩漏點，換機較划算
- 機身嚴重生鏽或漏水 → 換機更安全
有懷疑時，搵師傅睇一睇先，因為有時只係小問題維修即可，唔洗亂花錢買新機。
冷氣唔凍的主要成因比例
冷媒不足唔一定係唯一原因，散熱器積塵、風扇老化、主板異常、訊號線問題都可能影響冷氣效果。
7. 日常正確使用冷氣習慣｜減少損壞機會
正確使用冷氣機＝延長壽命＋慳維修費。 以下係我哋建議嘅用法習慣：
- 每日關機時，用遙控關冷氣，避免直接掣斷電
- 定期搵專業師傅清洗冷氣（最少一年一次）
- 唔好長時間開「極低溫」設定，會加快摩打損耗
- 打風期間關冷氣，避免壓力逆流或摩打過熱
只要肯做少少保養，部機可以用耐幾年都唔洗維修。
8. 變頻冷氣唔好直接斷電？你可能一直用錯方式
變頻冷氣操作細緻，需要配合正確使用習慣。
切忌直接用牆身開關斷電！
變頻冷氣需要時間慢慢降速、關閉壓縮機，如果突然斷電，會：
- 導致底板過熱或短路
- 冷媒循環中斷，壓縮機負荷增加
- 長期會損壞主板或燒保險絲
建議：用遙控正常關機，隔60秒後先再掣斷電。
9. 冷氣未清潔也可能係元兇
如果冷氣長時間未進行清潔，內部嘅蒸發器同濾網會積聚大量灰塵同污垢，阻礙空氣流通同熱量交換，導致製冷效果大打折扣。定期清洗冷氣機唔單止可以改善製冷效能，仲能減少細菌滋生，提升室內空氣質素。
好多時候，問題唔係冷氣本身壞咗，而係日常保養同安裝時已經埋下伏線。所以，盲目加雪種可能只係治標不治本，甚至會令壓縮機承受額外壓力，縮短壽命。
即時網上預約洗冷氣
10. 搵專業冷氣師傅維修，有圖有真相！（附工程圖片）
我哋尚流工程每次冷氣維修或安裝，都會記錄實際相片，讓客人有信心。
- 安裝工藝清晰可見
- 排水角度正確
- 喉管接駁整齊
- 室外機穩固耐用
📞 查詢冷氣維修／報價服務
無論你部冷氣機係唔凍、滴水、唔著，或者想加雪種、安裝新機，我哋都可以幫到你！
提供全港上門冷氣維修服務，支援 Daikin、Panasonic、Hitachi、珍寶、Toshiba 等品牌，即日報價！
（冷氣報價由專人提供，視乎機型、雪種種類及維修情況）
